Драматичен финиш: Две тројки во последните четири секунди, Детроит се радуваше против Голден Стејт

Најдраматичниот натпревар изминатата вечер во НБА лигата го одиграа Детроит и Голден Стејт, а на крајот славеа домаќините со 122:119.

Во последните четири секунди од мечот Томпсон шутираше за три поени и го изедначи резултатот на 119:119, а тогаш следуваше голема радост кај гостите кои мислеа дека обезбедија продолжение.

За нападот на Детроит остана само една секунда, меѓутоа и таа беше доволна за Садик Беј од тешка позиција да погоди тројка за победа.

The final 4 seconds of Warriors-Pistons were WILD 😱 pic.twitter.com/fakbuxKQ2K

— NBA (@NBA) January 5, 2023

Најефикасен на натпреварот беше Клеј Томпсон со 30 поени, додека во редовите на Детроит Бојан Богдановиќ постигна 29.

Кевин Дурант одигра одличен натпревар на гости кај Чикаго и постигна 44 поени. Сепак неговиот тим се врати со пораз од 121:112. Ирвинг беше втор најефикасен со 25, додека кај Чикаго Де Роузен беше прв стрелец со 22 поени.

НБА РЕЗУЛТАТИ:

Шарлот – Мемфис 107:131

Кливленд – Феникс 90:88

Орландо – Оклахома 126:115

Филаделфија – Индијана 129:126

Њујорк – Сан Антонио 117:114

Торонто – Милвоки 101:104

Чикаго – Бруклин 121:112

Минесота – Портланд 113:106

Њу Орлеанс – Хјустон 119:108

Голден стејт – Детроит 119:122

ЛА Лејкерс – Мајами 112:109

Сакраменто – Атланта 117:120