Вулверхемптон ќе плати 50 милиони евра за напаѓач кој не дал гол скоро една година

Шпанскиот тренер Хулен Лопетеги набрзо ќе го комплетира својот прв трансфер на клупата на Вулверхемптон и истиот ќе чини 50 милиони евра.

Станува збор за напаѓачот на Атлетико Мадрид, Матеус Куња кој ќе стана најскап трансфер во историјата на клубот.

Тоа што е најинтересно е фактот дека Бразилецот последен пат постигна гол на 11 мај, и тоа на средбата меѓу Атлетико Мадрид и Елче.

Овој 23-годишен фудбалер не се прилагоди во системот на Диего Симеоне, но Лопетеги во него гледа голем потенцијал и затоа нема да штеди пари.

Бразилецот пристигна во Атлетико во 2021 година од Херта за 30 милиони евра, но не ги оправда очекувањата.