Европски или „лицемерен“ – Фудбалската „аристрократија“ создава ФРОНТ против ПСЖ?!

Сумите во модерниот фудбал отидоа предалеку и тоа е јасно, во овој момент важи фактот, играчот вреди онолку колку што клубот е спремен да плати.

Целиот свет е против ПСЖ и нивниот начин на работа, но факт е дека  ја платија клазулата зза Нејмар, го позајмија Мбапе и повторно успеаа да го изиграат ФФП. УЕФА отвори истрага против ПСЖ и најави измени во финансискиот фер плеј, а многумина веруваат дека би требало и да биде укинат, а меѓу нив е и Арсен Венгер.

Сепак, во позадина се создава фронт кој ќе го предводат Јувентус, Реал и Баерн кои ќе се обидат да ја ограничат финансиката моќ на Арапите, пред сите на оние од Катар, но тука е и Манчестер Сити. На кој начин сеуште не е познато, дали салари-кап е решението или има и нешто друг предлог останува да видиме.

Но, дали сите големи клубови или како што некој сакаат да ги наречар, фудбалската аристрократија се исплашени за својата доминација и дали се лицемерни кога во прашање е плаќањето на клазулите. Бидејќи тоа е специјалитет токму на оние кои се бунат, а Унаи Емери и потсети на тоа.

Да се вратиме малку наназад во времето, Барселона после продажбата на Роналдо 1997 година ја плати клазулата за Ривалдо и го доведе од Ла Коруња. Истото на Барса и го направи и Флорентино Перез кога за тогаш рекордна сума го доведе Луис Фиго во Мадрид.

Потоа следуваше и купувањето на Серхио Рамос кога беше исплатена клазулата од 27 милиони евра на Севиља. Интересно е што легендарниот дефанзивец е единствениот Шпанец кој Перез го доведе во својот мандат во Реал.

Андреа Ањели кој е претседател на Јувентус неодамна стана и прв човек на асоцијацијата на клубови која сигурно ќе ја „фрли“ ракавицата кон УЕФА, но да потсетиме Јувентус само минатото лето плати две клазула, го доведе Пјаниќ од Рома и Игуаин од Наполи.

Кога во прашање е Баерн тие пред неколку години ја платија клазула за Мартинез и го доведоа од Билбао за сума од 40 милиони евра.

Сега сите овие клубови создаваат фронт против ПСЖ, некој ќе каже дека сумите биле далеку помали, но едноставно сега времето е такво и сумите се такви какви што се.