Од Сенегал потврдиле: Мане патува во Катар!

Најдобриот сенегалски фудбалер Садио Мане ќе се најде на списокот на селекторот на оваа репрезентација, пренесува „Франс Прес“.

На оваа француска агенција од тамошната федерација и одговориле дека меѓу патниците за Катар ќе биде и Садио Мане.

„Едно е сигурно, Садио Мане ќе биде на списокот“, бил одговорот кој го добиле новинарите.

Но, прашање е дали Мане ќе може да ги одигра првите натпревари на Светското првенство или воопшто групната фаза. Сепак, Сенегалецот заедно со лекарскиот тим сигурно ќе сторат се за што поскоро да најдобриот фудбалер на Сенегал да биде спремен.

Најдобриот африкански фудбалер се повреди пред неколку дена на првенствен натпревар против Вердер и првичните информации беа дека ќе го пропушти Мундијалот.