Депај го раскинува договорот со Барселона

Мемфис Депај најверојатно ќе ја напушти Барселона во зимскиот преоден рок и кариерата ќе ја продолжи во Премиер лигата.

Депај и ова лето беше на излезна врата, но сепак остана во Барселона, каде не добива голема минутажа и е во втор план.

Поради тоа сака да ја промени средината и побарал од Барселона предвремен раскин на договорот за да замина во јануари.

Шпанските медиуми пренесуваат дека Барселона ќе му дозволи да си замине после Мундијалот, а најсилен интерес за него покажуваат Тотенхем и Њукасл.

Двата клуба сакаат да го донесат без обештетување, па Депај најпрво треба да го раскине договорот со Барселона.