Фудбалерите на Бока Јуниорс го освоија трофејот во првенството во Аргентина откако во последното коло на „Бомбоњерите“ ремизираа 2:2 со Индепендиенте.
Пред натпреварот од последното коло, Бока имаше 51 бод, еден повеќе од второпласираниот Расинг Клуб, кој се сретна со големиот ривал на Бока, Ривер Плата.
Шанса да станеш YouTuber! Приклучи се! ↓↓↓
И, не започна се идеално за Бока кога Леандро Фернандез постигна гол од белата точка за водство на Индепендиенте во 32. минута. Затреперија срцата на сите на „Бомбоњера“, за две минути подоцна да ги смири Гиљермо Фернандез со израмнувачкиот гол.
Атмосферата ја вжешти Себастијан Виља, а во истиот момент на натпреварот на Расинг и Ривер немаше голови.
Расинг потоа поведе со голот на Рохас, за израмнување се погрижи Борха. Во меѓувреме, на „Бомбоњера“ гостите постигнаа гол за 2:2, преку Ваљехо. Тогаш следуваше најголемата драма, неколку минути подоцна Расинг доби пенал.
Џонатан Галван беше очи во очи со Армани, кој го одбрани неговиот удар од белата точка и на тој начин практично и ја предаде титулата на Бока. Точка на целата драма стави Мигел Борха со неговиот втор гол во петтата минута од судиското надополнување, Ривер победи, а Бока го врати трофејот.
Учество во игри на среќа е дозволено за лица со 18+ години. Играј одговорно!