Официјално: Фоден потпиша нов договор со Манчестер Сити

Фудбалерот на Манчестер Сити, Фил Фоден го продолжи договорот на три години и ќе остане во клубот до 2027 година.

Претходниот договор на 22-годишниот истекуваше во во 2024 година.

„Тешко е да се искаже со зборови колку сум среќен што го потпишав овој договор. Ова е остварување на сонот. Цел живот сум навивач на Сити. Тренирав овде толку многу години, бев на теренот и ја додавав топката на натпреварите. Толку многу го сакам овој клуб и да се биде дел од него до 2027 година е одлично“, изјави Фоден за клупската веб-страница.

Фоден дебитираше за Сити во ноември 2017 година и досега одигра 182 натпревари и постигна 52 гола.

Тој освои 11 трофеи – четири Премиер Лиги, ФА Куп, четири трофеи во Лига Купот и два Комјунити Шилд.

За репрезентацијата на Англија одигра 18 натпревари и постигна два гола.