Роналдо бил еден од главните виновници за разводот на Том Брејди!?

Една од главните теми во светските медиуми во изминатиот период е разводот на легендарниот квотербек Том Брејд од познатата манекенка Жизел Бундшен.

Сега во некои медиуми се пишува дека Роналдо бил една од причините за разводот на Брејди. Наводно Бундшен била лута што Брејди ја сменил одлуката и одлучил да ја продолжи кариерата, со таа одлука квотербекот го прекршил ветувањето кое и го дал.

Медиумите во целата таа ситуација го вмешаа Роналдо. Имено, Брејди во февруари соопшти дека става крај на кариерата, а еден месец подоцна беше во Манчестер каде што гледаше натпреварот на „црвените ѓаволи“ со Тотенхем. На тој натпревар Роналдо одигра одлично и постигна хет-трик во триумфот на Јунајтед од 3:2.

Набрзо по овој натпревар Брејди објави дека ја продолжува кариерата, па затоа се пишува дека токму Роналдо и неговиот настап биле пресвртниот момент затоа што Брејди се мотивирал да продолжи и така да го прекрши ветувањето.