Пандев: Израел никако не смее да се потцени

Македонската репрезентација утре гостува кај Израел во рамки на квалификациите за пласман на СП.

„Во јавноста се чини дека ова е лесна победа против Израел, но ние знаеме дека не очекува тежок натпревар“, истакна капитенот Горан Пандев.

„Израел не смее да се потцени бидејќи е квалитетен противник. Натпреварот од Скопје го загубивме несреќно. Ние треба да бидеме обединети и да ги слушаме инструкциите од селекторот“, заклучи Пандев.