Погба се врати на тренинзите

Ѕвездата на Јувентус, Пол Погба започна со тренинзи после операцијата на коленото, која ја имаше на почетокот на септември.

Последните лекарски прегледи покажаа дека рехабилитацијата добро напредува и може да започне со лесни тренинзи.

Тежината на тренинзите постепено ќе се зголемува за Французинот да може да влезе во посакуваната форма.

Погба се уште го нема направено своето деби во дресот на Јувентус после неговото враќање во Торино, бидејќи се повреди пред почетокот на сезоната.