Куман го обвини Лапорта за Вајналдум

Поранешниот тренер на Барселона, Роналд Куман го обвини претседателот Лапорта за пропаднатиот трансфер на Вајналдум.

Според Куман, претседателот на Барселона е виновен што на „Камп Ноу“ не пристигнал Жоржинио Вајналдум.

„Точно е дека направив се за да го доведам Вајналдум, но договорот пропадна затоа што претседателот повеќе се грижеше да ме изнервира отколку да го доведе играчот. Токму неговото однесување ја одложи операцијата и затоа тој го избра Пари Сен Жермен. Да не беше одолговлекувањето на Лапорта, Вајналдум ќе завршеше во Барселона“, изјави Куман.

Куман ја презеде Барселона во август 2020 година, а беше отпуштен во ноември 2021 година.