Ванда Нара го потврди разводот од Мауро Икарди!

Ванда Нара преку социјалните мрежи објави дека се разведува од Мауро Икарди после осум години брак.

Ванда и Икарди имаат две ќерки, а таа веќе неколку години е и негов менаџер.

„Многу ми е болно да го живеам овој момент, но со оглед на мојата експонираност и работите што ги надминуваат медиумските шпекулации, подобро е да дознаат од мене. Немам што повеќе да појаснам и нема да давам никакви детали за оваа разделба. Ве молам, ве молам разберете не само за мене, туку и за нашите деца“, напишала Ванда.

Уште во октомври минатата година изби скандал кога Ванда го обвини Икарди за изневерување, поради што привремено ја прекинаа врската, а сега се разведуваат.