Левандовски се одлучи за потег поради кој ќе биде херој помеѓу Украинците

Роберт Левандовски ова лето одлучи да го напушти Баерн Минхен и да се пресели во Барселона каде што му оди одлично, а кон крајот на годината го очекува и Мундијалот со неговата Полска.

Левандовски сега се одлучи на потег поради кој ќе биде омилен помеѓу Украинците. Имено, тој добил лента со грбот на Украина од легендарниот Андреј Шевченко и таа лента полскиот напаѓач ќе ја носи во Катар.

„Ќе ги носам украинските бои на Светското првенство во Катар. Како играч и како човек поддржувам мир и мислам дека ваквите симболични гестови се важни. Ќе ја носам лентата како потсетник дека граѓаните на Украина не се сами“, изјави одличниот напаѓач.

Светското првенство ќе се одржи од 20. ноември до 18. декември во Катар. Полска ќе игра во група со Мексико, Саудиска Арабија и Аргентина.