Скандал: Еден од стрелците на головите за ЦСКА против Македонија Ѓорче Петров играл допингуван!

ЦСКА Софија ја елиминираше Македонија Ѓорче Петров во второто коло од Конференциската лига, а сега голем скандал го потресе бугарскиот тим.

Имено, Георги Јомов бил допингуван за овој натпревар, тој не само што играше туку и беше стрелец на еден од головите во реваншот.

Бугарскиот клуб соопшти дека им пристигнало писмо од Светската анти-допинг агенција пред двомечот со Базел во плеј-офот. Во писмото се наведува дека Јомов имал позитивен допинг тест.

„Пред натпреварот со Базел од ВАДА добивме писмо за откриена забранета суспензија во телото Георги Јомов. Неговиот примерок кој бил земен после мечот со Македонија Ѓорче Петров на 28. јули бил позитивен“, стои во соопштението од ЦСКА.