Слободен влез во СРЦ „Кале“: Да им дадеме максимална поддршка на кошаркарите против Словачка!

Предводниците на македонската кошарка донесоа одлука да ги отворат вратите од СРЦ „Кале“ и да овозможат бесплатен влез за натпреварот во недела против Словачка (19:00 часот).

Избраниците на Александар Јончевски вчера ја победија Данска и тоа со тројка со звукот на сирената на Ненад Димитријевиќ, а сега ги чека натпревар кој ако го добиеме ќе се пласираме во квалификациите.

Затоа сите заедно, да им помогнеме на момците да дојдат до уште еден важен триумф во битката за учество на Евробаскетот. В недела навечер, сите сме во “Кале’!“, соопштија од Кошаркарската федерација.