Прва изјава на Чурлинов по потписот за Барнли

Репрезентативецот на Македонија Дарко Чурлинов од денес и официјално е нов играч на англиски Барнли со кој во новата сезона ќе се натпреварува во Чемпионшип.

Штутгарт од неговиот трансфер ќе добие пет милиони евра. Веднаш по потписот Чурлинов ја даде и првата изјава за сајтот на Барнли.

„Возбуден сум што ќе играм тука и едвај чекам да излезам на теренот во новата сезона. Нема време за губење и ќе давам се од себе на секој натпревар“, изјави Чурлинов.

Чурлинов ќе биде во составот на Барнли за утрешниот натпревар против Блекпул.