Нејмар со овој потег додатно ги разлути фановите на Барса

Шпанските медиуми пренесуваат дека Нејмар го советувал соиграчот од бразилската репрезентација Фелипе Кутињо да не оди во Барселона.

Нејмар пред три недели ја напушти Барселона и за рекорден трансфер од 222 милиони евра се пресели во ПСЖ. Каталонскиот клуб по заминувањето на Нејмар тргна токму по Кутињо, кој во клубот е означен како наследник на најскапито играч во светот.

„Нема да ти биде жал што Ливерпул те држи подалеку од нив“, наводно му рекол Нејмар на Кутињо.

Каталонците досега испратија три понуди, последната 150 милиони евра, до Ливерпул за Кутињо, но раководството и сосптвениците на клубот од „Енфилд“ ги отфрли понудите со порака дека Кутињо не е на продажба.