Македонија Ѓорче Петров го претстави гостинскиот дрес 📸

Eкипата на Македонија Ѓорче Петров преку социјалните мрежи се пофали со новата гарнитура гостински дресови.

Новиот дизајн на „лавовите“ е во сива боја со различни нијанси и шари во форма на баклави.

Во новата сезона во ПМФЛ која веќе започна, Македонија Ѓ.П во првото коло беше слободна затоа што требаше да игра со Ренова која се откажа од натпреварувањето. За викендот избраниците на Муарем Бајарами ги чека тежок испит на гости кај Шкупи во Чаир.

Мечот Шкупи – Македонија Ѓорче Петров се игра в недела од 17:00 часот.