Работнички потпиша договор со талентираниот Манојлов

Работнички потпиша професионален договор со големиот талент Никола Манојлов. Тој во текот на летните подготовки веќе се наметна кај шефот на стручниот штаб Љупчо Марковски и се очекува да игра значајна улога во тимот во новата сезона.

„Чест ми е што потпишав договор со Работнички. Верувам дека со напорна работа ќе се наметнам кај тренерот Љупчо Марковски и се надевам дека ќе дадам свој придонес во една успешна сезона за тимот“, вели Никола Манојлов.

Негови силни страни се дриблингот и неверојатниот сенс да се најде на вистинското место за да постигне гол. Можеби ќе го докаже тоа веќе на стартот од новиот шампионат.

Работнички в недела гостува во Кратово и ќе ги одмери силите со Силекс во првото коло од новата сезона 2022/23 во Првата фудбалска лига.