Ериксен претставен на „Олд Трафорд“: Дојдов во најголемиот клуб на светот

Манчестер Јунајтед денес и официјално го претстави Кристиан Ериксен, кој доаѓа на „Олд Трафорд“ како слободен агент.

Ериксен после проблемите со срцето одигра одлични шест месеци во Брајтон и покажа дека може да игра на врвно ниво, па Манчестер Јунајтед му понуди соработка.

„Да се биде фудбалер на Манчестер Јунајтед е навистина нешто посебно. Пред да се случи инцидентот, воопшто не размислував да се вратам во Премиерлигата. А сега еве ме овде, во најголемиот клуб на светот. За тоа голема улога одигра и Ерик тен Хаг. Дојдов зашто сакам да играм фудбал, разговорите со него за фудбалот и идеите што ги има, влијаеја многу на мојата одлука да дојдам во Манчестер Јунајтед“, изјави Ериксен.

„Премиерниот дуел против Брајтон на домашен терен ќе биде тензичен, но се надевам убав начин да ја почнам кариерата во Манчестер јунајтед. Нема нешто подобро од тоа да дебитирам пред нашите навивачи на „Олд трафорд. Свесен сум дека можам уште многу да остварам во кариерата, а Манчестер е вистинското место за да си ги исполнам целите“, додаде Ериксен.

🚨 A must-watch for every Red 🚨@ChrisEriksen8's first United interview has dropped 🎤⬇️#MUFC

— Manchester United (@ManUtd) July 26, 2022