Спектакуларни трки на 200 метри, соборен рекордот на Мајкл Џонсон🎥

Шерика Џексон од Јамајка и Ноа Лајлс од САД, ги освоија златните медали на трките на 200 метри на Светското првенство во Јуџин, Орегон.

Машкото финале имаше идеален исход за Американците, првите три места им припаднаа на атлетичарите од оваа земја, а прв целта ја помина Ноа Лајлс.

Лајлс до златнииот медал дојде со време со 19,31 секунди што е нов рекорд на Северна Америка и го собори рекордот на Мајкл Џонсон од 19.32 од Олимписките игри во Атланта во 1996 година.

Back-to-back world 200m champion ✔️
North American record (19.31) ✔️@LylesNoah 🇺🇸, take a bow 👏#WorldAthleticsChamps pic.twitter.com/SwJYna46jc

— World Athletics (@WorldAthletics) July 22, 2022

Џексон победи со резултат 21.45 секунди. Ова е нов рекорд на светските првенства и второ најбрзо време во историјата.

Светскиот рекорд се уште го држи Американката Флоренс Грифит-Џојнер со 21.34 секунди, што го истрча на Олимписките игри во Сеул во 1988 година.