Во Барселона бесни, ќе преземат драстични мерки против Де Јонг

Евентуалниот трансфер на Френки де Јонг од Барселона во Манчестер Јунајтед се претвори во најголема трансфер сага ова лето.

Барселона и Манчестер Јунајтед имаат комплетен договор, но Де Јонг продолжува да одбива трансфер на „Олд Трафорд“.

Готово сите релевантни шпански медиуми објавија дека Барселона е фрустрирана од целата ситуација и е спрмена да преземе ригирозни мерки против фудбалерот.

Холанѓанецот неколку пати бил замолен да прифати трансфер, а последно раководството го информирало дека нема да замине со остатокот од тимот на турнејата во САД.

Каталонците се категорични во намерата да го продадат ова лето и му се заканиле дека ќе го остават да тренира сам во тренинг кампот се додека не прифати трансфер во Манчестер Јунајтед.

Медиумите откриваат дека Де Јонг одбива трансфер на „Олд Трафорд“ поради фактот што сака да игра во Лигата на шампиони. Другата причина е што во договорот со Барселона оваа сезона му се активираат разни бонуси и неговата плата се зголемува скоро двојно.