Нов клуб во игра за потписот на Димитриевски

Според последните информации од Шпанија, Селта е новиот тим кој покажал интерес за македонскиот голман Столе Димитриевски.

Селта е во потрага по голман, а наводно еден од оние кои се на нивниот „радар“ е и Македонецот. За Димитриевски во изминатиот период имаше интерес и од клубови од други земји, меѓутоа негова желба е да остане во Шпанија.

Рајо неодамна го промовираше Диего Лопез за нов голман, па затоа и не е исклучена можноста Димитриевски да биде продаден ова лето.

Ќе потсетиме, во зимскиот преоден рок Димитриевски беше многу блиску до трансфер во Барселона, меѓутоа на крајот тој најавен трансфер пропадна затоа што вториот голман на Барса, Нето одби да го напушти клубот.