Претседателот на ПСЖ: Никогаш не преговаравме со Зидан

ПСЖ денес официјално го претстави новиот тренер Кристоф Галтие, кој ќе ги води „светците“ во следните две години.

На пресконференцијата претседателот Ал Келаифи повторно мораше да одговара на прашање за Зинедин Зидан, за кого медиумите тврдеа дека е прв избор за тренер.

„Дури кога новиот тренер е тука, продолжувате да прашувате за Зидан. Го обожавам Зизу како фудбалер и тренер, но никогаш не преговаравме со него. Галтие беше нашиот прв избор и од првиот ден сакавме да го доведеме. Еве го, тука е и имаме голема доверба во него“, изјави Ал Келаифи.