Пешевски се збогуваше со Штутгарт: Никогаш не се почувствував како странец

Македонскиот ракометар Жарко Пешевкси се збогуваше од германски Штутгарт, па од следната сезона ќе го носи дресот на македонскиот вицешампион Еурофарм Пелистер.

Пешевски вчера го одигра последниот меч за тимот, по што испрати порака до навивачите преку социјалните мрежи.

„Поминав три одлични сезони во ‘сино-белото’ семејство. Направивме мост меѓу две различни култури. Никогаш не се почуствував како странец и благодарен сум ви за сè“, напиша Пешевски.