„Лалињата“ ќе го тестираат Велс во Кардиф

По забавата во Кардиф, Велс брзо ја продолжува својата кампања во Лигата на нации на УЕФА, кога вечерва ќе ја пречека Холандија во Групата 4 од Лига А.

Роб Пејџ ги предводеше змејовите до нивното прво Светско првенство по 64 години со победата над Украина, додека Холандија ја победи Белгија со 1:4 н агостински терен.

Пејџ со големи ротации во составот и без Бејл

Велс славеше со 1:0 над упорната репрезентација на Украина во неделата вечерта, но резултатот во горниот лев агол беше единствената статистика што беше важна за змејовите, кои ставија крај на 64-годишната пауза без настап на најголемата меѓународна сцена.

Украинскиот капитен Андриј Јармоленко си постигна гол во сопствената мрежа по слободниот удар на Герет Бејл. Тој гол беше доволен за Велс да ги резервира своите билети за Катар за битка против Иран, САД и Англија.

Додека навивачите на Змејовите се забавуваа долго во ноќта, играчите на Пејџ имаат уште три натпревари во Лигата на нации во текот на исцрпувачкиот шестдневен период, но импровизираниот тим се претстави неверојатно добро против Полска пред мечот со Украина и покрај поразот од 2:1.

Велс помина две години во трка за промоција во Лига Б пред да освои место во најдобрата лига, а поразот од Полска го претставува нивниот единствен пораз во 11 натпревари на сите турнири. Стадионот во Кардиф е тврдина – сега Велс се непоразени во 19 последователни натпревари пред своите гледачи по поразот од Данска во инаугуративната Лига на нации.

Холандија е голем фаворит

Најдобриот стрелец на Белгија на сите времиња Ромелу Лукаку беше принуден да го напушти теренот со искривен скочен зглоб по само 27 минути игра во Брисел, а тоа можеби беше клучно за победата на Холандија. Холандија имаше безмилосен напаѓачки приказ за да ја понижи второрангираната нација во светот.

Мемфис Депај погоди двапати заедно со Стивен Бергвијн и Дензел Дамфрис. „Црвените ѓаволи“ успеаја само да постигнат почесен гол преку Батшуаји.

Холандија се уште е непоразена од тој шокантен пораз од Чешка во осминафиналето на ЕУРО 2020 година – оттогаш славеше на седум и ремизираше на три меча во сите натпреварувања.

Помина, исто така, повеќе од една година откако вицешампионот на Светското првенство во 2010 година последен пат претрпе пораз на гости, каде што исто така се непоразени во четири натпревари во Лигата на нации.

Понатаму, Холандија играше со Велс во осум наврати претходно и славеше во сите осум од нив, така што тимот на Луис ван Гал патува во Кардиф со цврста намера да ја расипе забавата на Велс по пласманот на Светското првенство.

Тимски новости: Велс

Пејџ сигурно ќе направи големи промени во првиот состав, бидејќи се подготвува за уште три натпревари во рок од една недела. Герет Бејл ќе биде еден од тие што ќе одмараат на овој меч, а со самото тоа Велс ја зголемува својата аутсајдерска улога.

Велс ќе настапи во формација 3-4-2-1: Хенеси; Гинтер, Мепхам, Дејвис; Робертс, Вилијамс, Морел, Норингтон-Дејвис; Вилсон, Џејмс; Џонсон

Тимски новости: Холандија

Селекторот на Холандија, Ван Гал, исто така ќе направи промени во составот кој славеше над Белгија. Стефан де Вриј и Матијс де Лихт ќе се вратат во одбраната на Холандија бидејќи Вирџил ван Дијк ќе одмара. Ќе има промени и на останатите позиции и во средниот ред и во нападот, па дури и на голманската позиција. Но тоа нема да се почуствува толку многу, како неиграњето на Бејл за Велс.

Ван Гал ќе игра во формација 3-4-1-2: Флекен; Де Лихт, Тимбер, Де Вриј; Дамфрис, Де Јонг, Класен, Маласија; Бергхуис; Депај, Гакпо