Поранешниот капитен на македонската репрезентација, Горан Пандев не размислува за пензија и најверојатно ќе игра уште една сезона.
Ова за италијанските медиуми го потврди неговиот агент, кој истакна дека Пандев сака со Парма да се врати во Серија А.
Шанса да станеш YouTuber! Приклучи се! ↓↓↓
„Мое лично мислење е дека Пандев може многу да направи за тимот. Тој сака да продолжи да игра, многу е мотивиран, би било убаво да биде во целиот проект. Неговата желба е да ја врати Парма во Серија А“ рече менаџерот Леонардо Корси.
Пандев има 38 години и исклучителна кариера, па се веруваше дека ќе се пензионира ова лето, но очигледно дека му се допаѓа проектот во Парма и верува дека може да одигра уште една сезона.