Рим на нозе, Мурињо донесе европски трофеј 🎥

Рома го освои првото издание на Конференциската лига, откако во финалето го победи Феенорд со 1:0.

Ова е историски успех за Рома, но и за Мурињо кој стана првиот тренер кој ги освоил сите три европски натпреварувања.

Рома подобро го отвори мечот, а херој за „волчицата“ беше Николо Заниоло, кој го постигна победничкиот гол во првото полувреме.

Во вториот дел Мурињо се одлучи да го брани резултатот, Феенорд фрли се на една карта, создаде неколку одлични шанси, но не успеа да постигне гол.