Реал Мадрид може да добие засилување од Манчестер Сити

Реал Мадрид летово ќе биде активен на трансфер пазарот бидејќи „кралевите“ веќе некое време се поврзуваат со повеќе фудбалери.

Според последните информации, Илкај Гундоган би можел да биде нов играч на Реал. Германецот минатата недела беше во Мадрид, а Пеп Гвардиола изјави дека патувањето на Гундоган било од лични причини.

Сепак, се претпоставува дека Гундоган го искористил патувањето во Мадрид за потенцијален трансфер. Детали не се познати, но се шпекулира дека Германецот е незадоволен од својот статус во последните неколку недели, бидејќи Пеп во клучните натпревари го форсира триото Родри, Де Брујн, Силва.

Гундоган има договор до 2023 година, а доколку не го продолжи, сигурно е дека Сити ќе биде принуден да го продаде ова лето.