Жалбата одбиена – Роналдо паузира 5 натпревари

Фудалскиот сојуз на Шпанија денес ја одби жалбата на Реал Мадрид и ја потврди сиспензијата од пет натпревари за Кристиано Роналдо.

Роналдо заработи црвен картон на „Камп Ноу“ и притоа го оттурна судијата, по што доби казна од пет натпревари. Шпанскиот шампион веднаш ја обжали таквата одлука, но денес жалбата беше одбиена.

Тоа значи дека покрај денешното „Ел Класико“ на „Сантиаго Бернабеу“, Роналдо ќе ги пропушти и првите четири кола од шпанската Примера.

Реал во наредните денови ќе поднесе жалба и до Спортскиот арбитражен суд чија одлука е последна.