Мутињо: Очекувавме дерби со Италија, но нема да биде лесно против Македонија

Пред Македонија има само уште една пречка до Мундијалот во Катар, а тоа е селекцијата на Португалија, една од најголемите ѕвезди на оваа репрезентација, Жоа Мутињо порача дека на неговата репрезентација нема да и биде лесно против Македонија.

Мутињо беше искрен дека очекувале дерби со Португалија, но свесен е дека тешко ќе им биде против македонската репрезентација.

„Очекувавме да играме против Италија, нема да лажеме, меѓутоа ќе ни биде тешко и против Македонија. Фудбалот е различен, сите тимови можат да победат без разлика на имињата на фудбалерите во нивните редови“.

Испрати пофалби за Македонија.

„Македонија има одличен тим и тоа го докажаа против европскиот шампион. Свесни сме дека не чека тешка задача, не смееме да ја потцениме Македонија затоа што многу добро се бранат и имаат добра организација“, изјави Мутињо.

Натпреварот помеѓу Португалија и Македонија се игра во вторник од 20:45 часот.