Трајковски го постигнал последниот гол за Палермо пред банкротот, а сега ја „банкротираше“ Италија

Херој на Македонија вчера беше Александар Трајковски кој им пресуди на „Аѕурите“ со својот гол во 93. минута.

Трајковски на Сицилија е како дома затоа што четири години помина во редовите на Палермо од 2015 до 2019 година кога клубот банкротираше, потоа се формираше нов клуб кој денес е во третата лига во Италија.

Италијанските новинари забележаа еден интересен податок – Трајковски го постигнал последниот гол за „вистинскиот“ Палермо пред клубот да банкротира, а сега три години подоцна на Сицилија ја „банкротираше“ Италија.

Ќе потсетиме Трајковски и даде гол на Италија и во ремито во октомври 2017 кога одигравме 1:1.

Фото: ФФМ