Италијанскиот гигант започна преговори со Јанузај

Италијанскиот гигант Милан покажува силен интерес за белгискиот репрезентативец, Аднан Јанузај.

Договорот на Јанузај со Реал Сосиедад истекува на крајот на сезоната и може да се пресели на „Сан Сиро“ како слободен агент, пренесува „Спортиталија“.

Медиумот пренесува дека самиот фудбалер преку своите агенти му се понудил на „росонерите“ и веќе се започнати преговори.

Милан е во потрага по засилување за десната крилна позиција, но прва желба на „росонерите“ е Доменико Берарди.

Јанузај важеше за голем талент во Манчестер Јунајтед, а кариерата ја „оживеа“ во Реал Сосиедад каде игра одлично во последните две сезони.