Кулушевски: Македонија е многу важна за мене

Ѕвездата на Тотенхем, Дејан Кулушевски неодамна го навлече гневот на македонската јавност кога одби да зборува на македонски јазик за „Спорт Клуб“.

Таткото на Кулушески, Стефан, иако Македонец по потекло е роден во Шведска, додека неговата мајка, Катица е родена во Македонија и се преселила во Шведска како возрасна. 

Тој сепак во интервју за „Гардијан“ објасни дека за него и неговото семејство Македонија е многу важна.

„За моето семејство, но и за мене, Македонија е многу важна. Мајка ми постојано ми вели дека никогаш не треба да заборавиме од каде доаѓаме. Секое лето одам во Македонија и многу ми се допаѓа. Секогаш сум велел дека најдобро би било да можев да играм и за Шведска и за Македонија. Но, кога веќе морав да бирам, ја одбрав Шведска зашто таму сум и роден“, изјави Кулушевски.