Клоп за Салах: Направивме се што можеме

После пишувањата на медиумите и тренерот Јирген Клоп потврди дека Салах ја одбил понудата за нов договор.

Салах има договор со Ливерпул до јуни 2023 година и долго време се водат преговори за нова соработка. Понудата од Ливерпул наводно е финансиски добро, но според последните информации проблем биле амбициите на клубот.

„Салах сака клубот да биде амбициозен. Тоа е негова одлука. Ние нашето го направивме. Направивме се што можеме и сега го чекаме неговиот одговор“, изјави тренерот Јирген Клоп.

Салах сезонава постигна 27 голови и подели 10 асистенции за Ливерпул во сите натпреварувања.