Вардар службено го доби мечот со Мешков и се пласира во осминафинале

Ракометарите на Вардар и официјално се дел од осминафиналето во Лигата на шампионите откако службено го добија мечот со Мешков Брест.

ЕХФ го регистрираше натпреварот на црвено-црните и Мешков Брест со службена победа од 10:0 за македонскиот шампион.

ЕХФ во понеделникот донесе одлука да ги исклучи тимовите од Русија и Белорусија од натпреварувањата под нивна капа, па ова беше очекуван исход.

Ова значи дека Вардар сигурно ќе биде на петото место на табелата без разлика на резултатот во последното коло од групната фаза против Елверум во Скопје.

Противник на Вардар во осминафиналето ќе биде унгарскиот Веспрем.