Ѓоковиќ елиминиран од Дубаи, Медведев застанува на врвот на АТП!

Новак Ѓоковиќ изгуби од 123. тенисер на АТП листата Јиржи Весели од Чешка со 6:4 и 7:6 во четвртфиналето на турнирот од серијата 500 во Дубаи.

Весели кој некогаш беше 35. тенисер во светот игра турнир од соништата – ги помина квалификациите, а потоа ги елиминираше Марин Чилиќ и Баутиста Агут, сега со феноменална игра го исфрли и Ѓоковиќ.

Со овој пораз на Ѓоковиќ е сигурно дека од следниот понеделник нов лидер на АТП листата ќе биде Данил Медведев. Ѓоковиќ на врвот на АТП листата помина вкупно 361 недела.

Во полуфиналето Ѓоковиќ ќе игра против подобриот од мечот Денис Шаповалов и Ричардс Беранкис. Првото полуфинале е веќе познато и во него ќе се сретнат Андреј Рубљов и Хуберт Хуркач.