Стигна ПОТВРДА и од „Марка“: Мбапе преминува во ПСЖ

Шпанската „Марка“ која пред неколку недели пренесе еклзузивна вест и тврдеше дека Килијан Мбапе, ќе биде нов фудбалер на Реал Мадрид, сега пренесува дека, Мбапе ќе премине во редовите на ПСЖ.

„Килијан Мбапе постигна договор со Реал Мадрид, но пресудна беше неговата и желбата на неговото семејство да остане во Франција. Тој ќе премине во редовите на ПСЖ“, тврди шпанскиот медиум.

Во француските медиуми се наведува дека клубот од Кнежеството како оштета за младиот фудбалер ќе добие 180 милиони евра, од кои 20 ќе бидат исплатени во вид на бонуси.

Да потсетиме, Мбапе експлодираше и постигна 27 погодоци, запиша 17 асистенции на 59 натпревари.