Од борба со ракот до победа против Манчестер Јунајтед – Сол Бамба е херојот на денот!

Сол Бамба е една од главните теми во островските медиуми откако со неговиот Миделсброу го елиминираше Манчестер Јунајтед на пенали од ФА Купот.

Дефанзивецот кој има 37 години беше стрелец за Миделсброу во пенал-рулетот на „Олд Трафорд“ и така помогна во елиминацијата на гигантот на англискиот фудбал.

Приказната за Бамба е посебна затоа што во јануари 2021 година му беше дијагностициран рак на белите крвни зрнца. Веднаш мораше да започне со хемотерапија која траеше четири месеци. Тој обајви дека го победил ракот и се враќа на фудбалот, а сега имаше и прилика да помогне во елиминацијата на еден од најголемите англиски клубови.