Станковиќ за Влаховиќ: Како да има 30, а не 20 години

Душан Влаховиќ денес е во центарот на вниманието поради неговиот трансфер во Јувентус.

Многу клубови се поврзуваа со српскиот напаѓач, а Јувентус успеа во три дена да го заврши трансферот и да донесе сериозно засилување пред вториот дел од сезоната. Италијанските медиуми денес објавуваат и изјава на Дејан Станковиќ кој сликовито го опиша Влаховиќ.

„Влаховиќ е отворена книга, можете да замислите колку празни страници содржи. Може да расте и напредува, но веќе сега поседува моќ, сила, техника и чувство за гол како да има 30 години, а не 20. Тој е иднината на српскиот фудбал“, изјавил неодамна Станковиќ за италијанските медиуми.

За многумина овој трансфер е трансфер кој може да промени многу во вториот дел од сезоната.