Официјално: Госенс е нов играч на Интер!

Робин Госенс од вечерва и официјално е играч на Интер каде што ќе настапува како позајмен од Аталанта, но „нероаѕурите“ имаат обврска да го откупат неговиот договор на крајот на сезоната со одредени услови.

Госенс ќе биде првиот Германец кој ќе игра за Интер после цели седум години. Последен пред него беше Лукас Подолски кој на позајмица пристигна во сезоната 2014/2015. Подолски тогаш баш и не се снајде најдобро на „Џузепе Меаца“.

Oва секако е еден од најголемите трансфери во овој преоден рок заедно со оној на Душан Влаховиќ во Јувентус.