Рангник за незадоволството на Роналдо: Тимот е поважен од секој индивидуалец

Менаџерот на Манчестер Јунајтед, Ралф Рангник уште еднаш ја коментираше темата за реакцијата на Кристиано Роналдо после неговата смена на мечот со Брентфорд.

„Не треба да се крева голема врева околу тоа. Му ја објаснив одлуката уште за време на натпреварот. Му кажав дека работата на менаџерот е да му помогне на тимот да победи. Тој ме праша зошто не сум сменил некој од помладите фудбалери. Но, во фудбалот треба да се носат одлуки во вистински момент“.

„Играч како Роналдо не сака да биде заменет, па реакцијата му беше емотивна. Тоа не е проблем. Тимот е поважен од секој фудбалер, независно за кого станува збор“, изјави Рангник.

Cristiano Ronaldo was absolute fuming when he was substituted by Ralf Rangnick at Brentford last night…😡 pic.twitter.com/6dzqgum1uR

— Sky Sports News (@SkySportsNews) January 20, 2022