Чави го менува мислењето за Лук Де Јонг

Лук Де Јонг не е тип на напаѓач каков што се навиканти да гледаат навивачите на Барселона.

Класичен шпиц каков што е Де Јонг не се гледало често на Камп Ноу во изминатите децении. И Чави не беше  воодушевен од него, затоа и го ангажираше Феран Торес.

Меѓутоа во последните натпревари изгледа дека работите се променија. Лук Де Јонг почна да прикажува добри настапи и станува корисен во тимот. На претходните три натпревари Де Јонг постигна три гола, беше стрелец и против Реал Мадрид во Суперкупот.

Не само што постигнува голови Де Јонг и влегува во шанси за постигнување голови. Дефинитивно неговите настапи се подобри од оние на пред некој месец.

„Мундо Депортиво“ пишува дека Чави е пријатно изненаден од формата со која игра напаѓачот и се надева дека ќе продолжи така до крајот на сезоната.