Дефанзивецот на Јунајтед се договори со Милан

Милан и Манчестер Јунајтед започнале преговори за трансфер на дефанзивецот Ерик Баи, пренесуваат италијанските медиуми.

27-годишниот фудбалер не е прв избор кај Рангник и сака да ја промени средината во потрага по поголема минутажа.

Најсилен интерес за дефанзивецот покажува Милан, а „Скај Италија“ пренесува дека Баи веќе се договорил со „росонерите“.

Јунајтед е спремен да го пушти, но за неговата слобода бара 15 милиони евра, бидејќи дефанзивецот има договор со „црвените ѓаволи“ до 2024 година.

Милан започнал преговори и се надева дека ќе успее да го донесе на позајмица со право на откуп на крајот на сезоната.