Шкендија се засили со мајсторот за евроголови од Струга

Шкендија продолжи да се засилува за вториот дел од сезоната, а најново име во таборот на клубот од Тетово е Клинсман Цаке.

22-годишениот централен бек кој во македонското првенство е познат како мајстор за евроголови (тука) пристигнува од Струга Трим Лум. Цаке беше еден од подобрите играчи на Струга во првиот дел од сезоната.

На 15 натпревари за Струга сезонава постигна два гола. Во македонскиот фудбал пристигна од Тирана. Пред Цаке за Шкендија потпишаа Ферхан Хасани, Андре Месалао и Михаил Маневски.