Мбапе: Не верувам дека некогаш во животот ќе играм за Тотенхем

Ѕвездата на ПСЖ, Килијан Мбапе доби прашање за негов можен трансфер во Тотенхем.

Спарси се еден од тимовите со кои се поврзува Мбапе, иако реално тешко дека можат да го доведат. Тоа го потврди и самиот Мбапе.

„Убеден сум дека Тотенхем ќе направи добри работи со Антонио Конте, тој е одличен менаџер. За нив тоа е одлична работа, но не верувам дека некогаш во животот ќе играм за Тотенхем“, изјави Мбапе.

Во јануари нема да премине во Реал Мадрид.

„Нема да преминам во Реал во јануари сигурно. Играч сум на ПСЖ и во овој клуб ќе ја завршам сезоната тоа е 100% сигурно. Ќе дадам се од себе да направиме што поголем успех“, порача францускиот напаѓач.

Сезонава во ПСЖ Мбапе има учинок од 15 гола и 15 асистенции на 24 настапи.