Лече го сака Несторовски во јануари

Македонскиот репрезентативец, Илија Несторовски се врати на терените после долгата пауза поради повреда на коленото.

Несторовски сепак е во втор план во Удинезе и може да ја промени средината уште во зимскиот преоден рок.

Италијанските медиуми пренесуваат дека Лече е силно заинтересиран за македонскиот голгетер.

Лече игра во Серија Б и се бори за промоција во елитата, па Несторовски сигурно би имал голема минутажа и важна улога во тимот.

Несторовски е спремен да ја промени средината за да ја врати формата и да добие повик од селекторот за баражот за Мундијалот. Покрај Лече интерес за него покажуваат уше Монца и Парма.