Италија сепак можеби нема да ја пречека Македонија на „Ренцо Барбера“

Италија објави дека на 24. март Македонија во баражот за Светското првенство ќе ја пречека во Палермо на „Ренцо Барбера“, меѓутоа тоа може да се промени.

„Кориере дело Спорт“ објави дека состојбата на теренот е во лоша состојба, па селекторот Манчини и ФИГЦ стравуваат дали тој ќе биде во најдобра состојба за Македонија во март. Локалната власт во Сицилија веднаш одобрила 200.000 евра за поправка на стадионот и отстранување на некои недостатоци.

Одлучено било да се направат поправките откако инспекцијата го посетила стадионот.

„ФИГЦ го предложи Палермо за место каде ќе се игра полуфиналниот бараќ и тоа е важно за целиот регион на Сицилија, но меѓународните стандарди бараат некои работи кои мора да се направат и без нив не може да се организира натпреварот. Сицилија и Палермо ќе направат се за мечот да се одигра. Мора да одговориме посветено на предизвикот“, изјави Гаетано Армао кој е советник за економија и потпретседател на регионот Сицилија.

Italia-Macedonia, in arrivo fondi per il “Renzo Barbera”: stanziati 200mila euro https://t.co/DGeHosovf3

— Mediagol Palermo (@Mediagol) December 23, 2021