Фиорентина договори големо засилување! Дали Влаховиќ заминува?

Фиорентина постигна договор со ѕвездата на Лил и француски репрезентативец, Нанитамо Иконе.

Станува збор за 23-годишниот крилен напаѓач, кој минатата сезона блесна во дресот на Лил и одигра клучна улога во освојувањето на титулата.

Иконе веќе ги договорил личните услови со Фиорентина и во јануари ќе се пресели на „Артемиот Франки“, па сигурно ќе биде големо засилување во борбата за излез во Европа.

Скај Италија“ пренесува дека двата клуба веќе постигнале договор и Фиорентина за неговиот потпис ќе плати 15 милиони евра плус 10% од следната продажба.

Италијанските медиуми тврдат дека доаѓањето на Иконе значи сигурно заминување на Влаховиќ, но прашање е дали во јануари или на крајот на сезоната.