Пеле повторно примен во болница

Легендарниот бразилски фудбалер Пеле (81) примен е во болница поради лекување на тумор на дебелото црево.

Веста е потврдена од болницата Алберт Ајнштајн во Сао Паоло. Портпаролот наведе дека Пеле е во стабилна состојба и дека би требало за неколку дена да биде пуштен на домашно лекување.

Кон средината на октомври Пеле веќе имаше операција на туморот на дебелото црево, а потоа мораше да оди и на хемотерапии. Тогаш во болница помина скоро еден месец.